2022 йилги жаҳон чемпионати якунланиб бормоқда. Баъзи футболчилар учун турнир “узоқ” давом этиб якунланган бўлса, баъзи футболчилар эса турнирда ҳатто бир дақиқа ҳам ўйнамади. Қуйида, ЖЧ-2022 да майдонга тушмаган бир нечта таниқли футболчилар ҳақида сўз юритамиз.

Марк-Андре тер Штеген (Германия терма жамоаси)

Тер Стеген учун ҳеч нарса ўзгармаган - Олмония термасининг асосий дарвозабони Мануэль Нойер. "Барселона" дарвозабони ҳеч қачон ЖЧ-2022да ўйнамади, шунингдек, Германиянинг терма жамоадаги турнирдаги иштироки ҳам узоқ бўлмади. Немислар плей-оффга чиқа олмади ва гуруҳ босқичининг 3 ўйиндан сўнг уйларига қайтишди. Эҳтимол, тер Штегенга мамлакати мезбонлигидаги 2024-йилги Европа чемпионатида имконият берилиши мумкиндир.

Аарон Ремсдейл (Англия терма жамоаси)

Ремсдейл илгари дарвозасини қўриқлаган барча клублар Чемпионшипга тушиб кетган. Аммо, кипер “Арсенал” га ўтгандан сўнг, унинг даражаси мутлақ ўзгарди. Бу унинг Англия терма жамоасига чақирув олишига ёрдам берди. Бироқ, жаҳон чемпионатида “тўпчилар” биринчи рақамли дарвозабони ҳеч қачон майдонга тушмади – Англия термаси дарвозаси Пикфордга топширилди. “Эвертон” кипери бир неча йиллардан буён Англиянинг бошланғич 11 футболчи орасида.

Конор Галлаҳер (Англия терма жамоаси)

Англия кўп истеъдодли футболчиларга эга, аммо ҳаммага ҳам майдонда жой йўқ, хусусан Конор Галлаҳерга ҳам. Бироқ, “Челси” футболчиси учун Қатар саёҳати кутилмаган бўлди, бу унинг ўзи ҳам таъкидлади. 2022 йилги жаҳон чемпионатида у бир дақиқа ҳам ўйнамади, лекин бу ажабланарли эмас. Унинг позициясида бошқа бир истеъдод ўйнади – Жуд Беллингем. Аммо, Конор ҳам яқин йилларда Англия ва “Челси” учун кўп нарса бера оладиган истеъдодга эга.

Стефан Де Врей

Де Врей “Интер” нинг асосий ҳимоячиси. Аммо, миллий терма жамоада футболчининг ҳолати унча яхши эмас. Нидерланиялик футболчи бутун турнир давомида захирада ўтирди. Терма жамоада бир вақтнинг ўзида 5 та марказий ҳимоячи мавжуд эди, рақобатда ютиш анча мушкул. Турнирда ҳатто, Де Лихт ҳам 92 дақиқа ўйнади. Луи ван Галнинг термани тарк этиши Де Врейнинг ҳам ҳолатига таъсир ўтказиши мумкин. Тарк этган мутахассиснинг ўрнини тез орада Рональд Куман эгаллайди.

Бен Уайт

”Арсенал” ҳимоячисининг терма жамоага чақирув олиши клуб бош мураббийи Микел Артетани хурсанд қилган эди. Бироқ, футболчи учун бу хурсандчилик олиб келмади. Бен ЖЧда бирорта ўйинда майдонга тушмади ва ҳатто терма жамоа муддатидан аввал тарк этди. Хабарларга кўра, бунга терма жамоа бош мураббийи Гарет Саутгейтнинг ёрдамчиларидан бири билан бўлган зиддият сабабчи бўлган. Мутахассис томонидан бу тасдиқланмаган, лекин рад ҳам этилмаган. Бен Уайт “Арсенал” да ўз маҳоратини кўрсата олди. Қайсидир маънода, унинг ҳам ёрдами эвазига “Арсенал” йилни 1-ўринда якунламоқда.

Карим Адеями (Германия терма жамоаси)

Адеями Германия терма жамоасининг янги авлод вакилларидан бири ҳисобланади. Бироқ, Германия учун тугаган турнирда футболчи ўз ўйинини намойиш эта олмади – унга имконият берилмади. Аммо, унинг Бундеслигадаги ҳаракатлари туфайли терма жамоага чақирув олганини унутмаслик керак. Нима бўлган тақдирда, Каримда келажакда терма учун муҳим ўйинчи бўлиш имконияти мавжуд. Германияда истиқболли футболчилар етишиб чиқмоқда. Аммо, уларнинг очилишига йўл қўймаслик ғалати бўлади.

Жеймс Меддисон

Жаҳон чемпионатида ўйнамаган яна бир англиялик футболчи. Аввалига, Меддисонга ишонч камроқ эди, лекин Жеймс Англия терма жамоасининг ЖЧ-2022 учун қайдномасига киритилди. “Лестер” ярим ҳимоячиси Англия сафида фақат 1 та ўйинда қатнашган (2019-йил, Черногорияга қарши баҳс). Жеймс Меддисон “Тулкилар”нинг асосий футболчиларидан бири.

• АПЛ
• Бундеслига
• Жаҳон чемпионати
• Қатар