Жеймс Уебб космик телескопи Ердан 250 миллион ёруғлик йили узоқликда жойлашган икки галактиканинг бирлашишини суратга олди. Серпенс юлдуз туркумида жойлашган объект Арп 220 деб номланди.

Галактикаларнинг бирлашиши узоқ вақтда содир бўлади. Астрономлар галактикалар 700 миллион йил аввал бирлаша бошлаганини тахмин қилишди. Улар Сомон йўлига ўхшаш спирал шаклга эга.

Бирлашишнинг бошида газ ва чангнинг кўплиги янги юлдузларнинг қизғин туғилишига олиб келди. Юлдуз шаклланиши, айниқса, чанг билан тўлдирилган марказий ҳудудларда фаол бўлади.

“Ушбу кичик ҳудуддаги газ миқдори бутун Сомон йўли галактикасидаги барча газлар миқдорига тенг”, деб таъкидлади олимлар.

Кузатишлар шуни кўрсатдики, 200 дан ортиқ юлдуз кластерлари атиги 5000 ёруғлик йили бўлган ҳудудда жойлашган. Арп 220'нинг марказий юлдуз ҳосил қилувчи ҳалқаси ёрқин нур чиқаради.

• Galaktika
• Коинот
• қизиқарли