Марокашда сўнгги бир ҳафтада “З авлод” деб ном олган кенг кўламли норозилик намойишлари бўлиб ўтмоқда. Акция иштирокчилари коррупция, ижтимоий тенгсизлик ва шифохоналардаги оғир шароитлардан норози, шу билан бирга, стадионларга катта маблағ сарфланаётганини танқид қилмоқда.

Агадир яқинидаги Лаклиа шаҳрида полиция участкасига ҳужум чоғида уч киши ҳалок бўлди, 300 киши яраланди ва 400 дан ортиқ одам ҳибсга олинди. Тартибсизликлар вақтида ўнлаб бинолар, банк ва дўконлар талон-торож қилиниб, юзлаб машиналар ёқиб юборилди.

Норозиликка Агадирдаги шифохонада саккиз чақалоқнинг ўлими туртки бўлган. Акцияларни Дисcордъдаги “ГенЗ 212” гуруҳи мувофиқлаштирмоқда. Улар зўравонликни рад этишга чақиришмоқда.

Бош вазир Азиз Ахануш ҳукумат муаммоларни ҳал қилиш учун мулоқотга тайёрлигини билдирди. Шу билан бирга, намойишчилар унинг ва ҳукуматнинг истеъфосини талаб қилмоқда.

• Акция