26 июль, чоршанба куни НАТО-Украина кенгашининг Қора денгиз дон ташаббусига бағишланган йиғилиши бўлиб ўтади, деди НАТО матбуот котиби Оана Лунгеску.

Лунгескунинг айтишича, 22 июль, шанба куни НАТО бош котиби Йенс Столтенберг Украина президенти Вoлoдимир Зеленский билан Россиянинг “дон келишуви”дан чиқишини муҳокама қилган.

Унинг сўзларига кўра, Зеленскийнинг илтимосига кўра, Столтенберг чоршанба куни элчилар даражасида НАТО-Украина кенгашини чақиради.

11-12 июль кунлари Вилньюсда бўлиб ўтган алянс саммитида Украина-НАТО кенгаши тузилди, биринчи йиғилишда Зеленский иштирок этди.

2022 йил 22 июль куни Истанбулда Туркия президенти Ражаб Тоййиб Эрдўған ва БМТ Бош котиби Антониу Гутерриш иштирокида Украина портларидан ғалла хавфсиз ташиш бўйича келишув имзоланди.

Ҳужжатни Украина, Россия, БМТ ва Туркия вакиллари имзолади.

Туркия координациясида амалга оширилаётган келишув глобал озиқ-овқат инқирозини ҳал қилишга қаратилган.

Россия президенти матбуот котиби Дмитрий Песков душанба куни Москва дон битимининг Россия қисми якунланиши биланоқ Қора денгиз келишувларини амалга оширишга дарҳол қайтишини айтди.

• Ukraina doni