Ҳукумат қарорига кўра, йирик савдо марказлари ва озиқ-овқат дўконларида истеъмол муддати тугаётган маҳсулотлар учун махсус расталар ташкил этилади. Маҳсулотлар нархи ҳар 10 кунда босқичма-босқич пасайтирилади.

Шунингдек, даладан савдо нуқталаригача озиқ-овқат маҳсулотлари исрофига йўл қўймаслик мақсадида йиғиш, саралаш, ташиш ва сақлаш жараёнлари доимий назорат қилинади.

Қишлоқ хўжалигида эса фермерлар учун ҳосилдорликни ошириш ва кимёвий моддалардан самарали фойдаланиш бўйича семинарлар ўтказилади.

2026 йилда санитария ва гигиена нормалари такомиллаштирилади, шунингдек 2026–2030 йиллар “Долзарб озиқ-овқат хавфсизлиги даври” деб эълон қилинади. Бу даврда “Оқилона истеъмол” дастури амалга оширилиб, аҳолига сифатли озиқ-овқатни етказиб бериш ва исрофнинг олдини олишга алоҳида эътибор қаратилган.

• Қишлоқ
• oziq-ovqat