Баҳрайнда ўтказилган Осиё Олимпия Кенгаши Ижро қўмитаси йиғилишида Тошкент 2029-йилги IV Осиё ёшлар ўйинларига мезбонлик қилиши ҳақида қарор қабул қилинди. Бу ҳақда III Осиё ёшлар ўйинларининг тантанали ёпилиш маросимида эълон қилинди.
Маълумот учун, Осиё Олимпия кенгаши 2024 йил декабрь ойида 2025 йили Ўзбекистонда ўтиши режалаштирилган ёшлар ўртасидаги Осиё ўйинлари, спорт иншоотлари тайёр эмаслиги сабаб, Тошкентдан олиб қўйилиб, Баҳрайнга берилганди. Мазкур турнир учун Ўзбекистон 289 млн доллар қийматидаги Олимпия шаҳарчасини қураётган эди.
Ўзбекистонлик спортчилар Баҳрайн мезбонлик қилган мусобақада 37 олтин, 16 кумуш ва 28 бронза медалини қўлга киритиб, умумжамоа ҳисобида Хитойдан кейин иккинчи ўринни эгаллади.
Бу Ўзбекистоннинг ёшлар ўртасидаги Осиё ўйинлари тарихидаги энг яхши натижаси ҳисобланади.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!