Bugun, 18-sentabr kuni AQSH prezidenti Jo Bayden va uning rafiqasi Jill Bayden Buyuk Britaniyaga keldi.

Qayd etilishicha ular qirolichaga hurmat bajo keltiradi, rasmiy ta’ziya kitobiga imzo chekib, qirol Karl III nomidan ziyofatda ishtirok etishadi. Ertasi kuni esa Vestminster abbatligidagi rasmiy dafn marosimi o‘tkaziladi.

“U boshqa dunyo yetakchilari kabi avtobusda Vestminster abbatligiga boradi. Ko‘pgina britaniyaliklar uchun dunyo rahbarlarining avtobusdan sakrash g‘oyasi juda kulgili”, – deyiladi “Washington Post” nashri chop etgan xabarda.

Avvalroq, Rossiya Federasiyasi prezidenti Vladimir Putin qirolichaning dafn marosimida qatnashishni rejalashtirmagani aytilgan edi.

Shuningdek, britaniyalik mashhur futbolchi Devid Bekxem qirolicha Yelizaveta II bilan vidolashish uchun 14 soat navbat kutgani to‘g‘risida xabar berilgan edi.

• AQSh
• Bayden
• Britaniya
• Karl III
• Qirolicha
• Yelizaveta II