Eronda hukumatida hijob to‘g‘risidagi qonun bo‘yicha kelishmovchilik kelib chiqdi. Parlament tomonidan qabul qilingan yangi qonun ayollar uchun hijobni majburiy kiyish talablarini kuchaytiradi va uni buzganlik uchun qattiq jazolarni belgilash nazarda tutiladi. Biroq, Eron prezidenti Mas’ud Pezeshkiyon  yangi ijtimoiy tartibsizliklarni keltirib chiqarishi mumkinligidan qo‘rqib, ushbu qonunga veto qo‘ydi.

Hamshahri nashri yozishicha, prezident bu masalani Eronda asosiy qarorlarni qabul qiluvchi organ bo‘lgan milliy xavfsizlik Oliy Kengashiga topshirgan. Ushbu qadam qonunning qisman bekor qilinishiga sabab bo‘lishi mumkin.

Jamoatchilik bosimi va hukumatdagi kelishmovchiliklar fonida ushbu qonun qabul qilinishi vaqtincha to‘xtatildi. Jazo tahdidlariga qaramay, Eronning yirik shaharlaridagi ko‘plab ayollar majburiy hijobga qarshi ochiq namoyishlar qilishda davom etmoqda.

• Eron
• hijob