Surxondaryo viloyati Denov tumanidagi 9 oylik chaqaloqning vafoti yuzasidan viloyat prokuraturasi Xabardor.uz’ga qo‘shimcha ma’lumot berdi.
Unga ko‘ra, fuqaro D.Aliqulovaning farzandi tibbiyot birlashmasida vafot etganligi holati yuzasidan Denov tumani prokuraturasi tomonidan tergovga qadar tekshiruv harakatlari olib borilgan.
Tergovga qadar tekshirish davomida, bolaning o‘limi sabablarini aniqlash maqsadida sudga oid tibbiyot ekspertizasi hamda xizmat tekshiruvlari o‘tkazilib, xulosalari olingan.
Natijasiga ko‘ra, biror-bir shaxsning harakatlarida jinoyat tarkibi aniqlanmaganligi sababli, O‘zbekiston Respublikasi JPKning 83-moddasi 2-bandiga asosan jinoyat ishi qo‘zg‘atishni rad etish haqida qaror qabul qilingan.
“Fuqaro D.Aliqulovaning video murojaatida keltirilgan yangi vajlarni o‘rganish bo‘yicha ushbu qaror tuman prokurori tomonidan bekor qilinib, hozirda qo‘shimcha tergovga qadar tekshiruv harakatlari olib borilmoqda.
Ish hujjatlari bo‘yicha qo‘shimcha dalil va iltimosnomalar bo‘lsa, tuman prokuraturasiga taqdim etish, mazkur javobdan norozi bo‘lgan taqdiringizda yuqori turuvchi prokurorga shikoyat qilish huquqingiz borligi tushuntiriladi”, – deyiladi viloyat prokuraturasi xabarida.
Eslatib o‘tamiz, joriy yilning 8-fevral sanasida Denov tumanidagi tibbiyot birlashmasiga 9 oylik chaqaloq tez yordam mashinasida olib kelinib, 9-fevral sanasida vafot etgan edi.
6°
Kechasi 0°
