MGM kinokompaniyasi “Amazon” bilan kelishuvdan so‘ng “Tomb Rayder” franshizasi huquqlarini yo‘qotdi, shuning uchun endi “Lara Kroft” uchun yangi kompaniya qidirilmoqda. Ko‘pgina studiyalar va striming xizmatlari allaqachon bosh rolda boshqa aktrisa bilan film suratga olish, shuningdek, butunlay yangi versiya uchun huquqlarni sotib olishdan manfaatdor. Bu haqda THR xabar berdi.

Endi franshiza prodyuseri Graham King va uning “GK Films” kompaniyasiga qaytarildi, u 2011 yilda video o‘yinlar ishlab chiqaruvchisi Skver Eniksdan film huquqlarini sotib olgan. King “Netflix”, HBO yoki “Tomb Rayder”ni rivojlantirishga qiziqqan har qanday yirik studiya bilan yangi shartnoma imzolashi mumkin.

Oxirgi qayta ishga tushirish 2018 yilda, Alisiya Vikander ishtirokidagi “Tomb Rayder: Lara Kroft” filmi suratga olinganida sodir bo‘lgan. Kartina 275 million dollar daromad keltirdi va uning davomi ham bo‘lishi kerak edi, ammo hozir uning yangi qismini yaratish ehtimoli juda kam.

“Metacritic”da ushbu film moslashuvi tanqidchilar tomonidan 48/100 ball va tomoshabinlar tomonidan 6,2/10 ballga loyiq ko‘rilgan.

Qayd etish mumkin, “Tomb Rayder” (2001 yildan 2007 yilgacha “Lara Kroft: Tomb Rayder”) Britaniyaning “Core Design” studiyasi tomonidan yaratilgan media franshizasidir. “Tomb Rayder” seriyasi 1996 yilda arxeolog qiz Lara Kroft haqidagi birinchi ko‘p platformali kompyuter o‘yini – Tomb Rayderning chiqarilishi bilan boshlangan.

Seriyadagi asosiy o‘yinlarga qo‘shimcha ravishda bir nechta spin-off o‘yinlari, komikslar, kitoblar va uchta badiiy film ham suratga olingan. Dastlabki ikki kismda Anjelina Joli, so‘nggisida esa Alisiya Vikander bosh rolni ijro etgan.

• HBO
• Kino
• Netflix
• gollivud