“Oʻrgimchak odam” trilogiyasining yakuniy qismi 10 kun ichida 814 million dollar daromad toʻplashga erishdi va 2021-yilning eng kassabop filmi deb tan olindi.

Shu tariqa film oʻzidan avvalgi yetakchi – 774 million dollar daromad keltirgan “Oʻlish vaqti emas” filmini ortda qoldirib ketgan. “Oʻrgimchak odam: Uyga yoʻl yoʻq” filmi joriy yildagi eng muvaffaqiyatli tijoriy loyihalar reytingidagi uchinchi oʻringa chiqib olgan.

Bu boradagi birinchi oʻrinni xitoyliklar ijodkorlar tomonidan ishlangan “Chosin suv ombori yonidagi jang” (904 mln dollar) va “Salom, oyi” (841 mln) filmlari egallab turibdi.

Shuni ham taʼkidlash kerakki, “Oʻrgimchak odam” filmi hali Xitoyda namoyish etilgani yoʻq. Ushbu mamlakatdagi namoyishdan keyin uning daromad koʻrsatkichi yanada oshib ketishi mumkin.

• Kino
• San’at
• qiziqarli