Prezident Shavkat Mirziyoyevning Xitoyga davlat tashrifi doirasida O‘zbekiston Respublikasining Birinchi xonimi Ziroat Mirziyoyeva Xitoy Xalq Respublikasining Birinchi xonimi Pen Liyuan bilan uchrashuv o‘tkazdi.

Ziroat Mirziyoyeva O‘zbekiston va Xitoy o‘rtasidagi aloqalarning ildizlari juda uzoq o‘tmishga borib taqalishi, xalqlarimizning boy tarixi va madaniyati bugun do‘stlik, o‘zaro ishonch va hurmat ruhida jadal rivojlanib borayotgan munosabatlarimizga muhim asos bo‘lib xizmat qilayotganini ta’kidladi.

Do‘st Xitoy xalqini oy taqvimi bo‘yicha kirib kelayotgan Yangi yil – Chun Sze bayrami bilan qutlab, eng ezgu tilaklarini bildirdi.

Pen Liyuan O‘zbekiston Respublikasining Birinchi xonimi Ziroat Mirziyoyeva bilan qaror topgan yaqin do‘stona munosabatlarni qadrlashi, mamlakatlarimiz o‘rtasidagi hamkorlik tobora yuksalib borayotganidan mamnunligini bildirdi.

Suhbat har doimgidek samimiy muhitda o‘tdi.

• Pekin
• Prezident
• Xitoy