Bunga viloyat Maktabgacha va maktab ta’limi boshqarmasi boshlig‘ining tegishli buyrug‘i asos bo‘lgan.

Xorazm viloyati Qo‘shko‘pir tumanining 14-maktabida bo‘lgan voqea yuzasidan maktabgacha va maktab ta’limi vaziri Hilola Umarova X ijtimoiy tarmog‘idagi sahifasida munosabat bildirib, direktorning mehnat shartnomasi bekor etilganini ma’lum qildi.

“Qo‘shko‘pir tumanidagi 14-son umumiy o‘rta ta’lim maktabi direktori M.X. bilan tuzilgan mehnat shartnomasi xodimning o‘z mehnat majburiyatlarini qo‘pol ravishda buzilgani sabab bekor qilindi”, – deya yozadi vazir Umarova.

Qayd etilishicha, maktab direktori bilan tuzilgan mehnat shartnomaning bekor qilinishiga Xorazm viloyati Maktabgacha va maktab ta’limi boshqarmasi boshlig‘ining tegishli buyrug‘i asos bo‘lgan, Odob-axloq komissiyasi tomonidan bu holat ko‘rib chiqilgan.

• Janjal
• Maktabgacha va maktab ta'limi vazirligi
• Xorazm
• direktor