Баҳор ва ёз лолалар учун махсус фасл, шунинг учун улар совға сифатида берилади. Атиргуллар абадий классик бўлгани учун, хризантема эса узоқ вақт сақлангани учун берилади. Лолалар ва хризантемалар 1-2 ҳафта, атиргуллар эса ўртача 3-5 кун ўз ҳолатини сақлаб туради. Аммо лолаларнинг ёқимли хусусияти шундаки, улар кесилган тақдирда ҳам бир мунча вақт ваза ичида ўсиши мумкин.

Хўш гулнинг ранглари совға эгасига қандай таъсир қилиши мумкин?

Қизил - ҳаётнинг, қуёшнинг, оловнинг ранги. Бу қарама-қарши туйғуларни уйғотади - севги ва нафрат, қувонч ва ғазаб. Эътиборни жуда тез ўзига тортади. Бу ранг одамни сўзлашувчан қилади, ҳис-туйғуларини ҳаяжонлантиради ва кучайтиради. Дангаса инсонларни фаоллаштиради.

Мовий ранг тинчлик ва чексизлик туйғуси, шу сабабли одамни тинчлантиради. Стрессда юрган яқинингиз учун айни муддао.

Сариқ ранг огоҳлантирувчи таъсирга эга. Ҳамда интеллект салоҳиятига ижобий таъсир кўрсатади. Агар совға танлаётган инсонингиз сиздан хафа бўлса, бу рангдан албатта фойдаланинг. Чунки сариқ ҳар доим бирор нарсадан норози бўлган одамларнинг кайфиятини яхшилайди.

Яшил – буюклик, жиддийлик, мулоҳазакорлик. Агар гул танлаётган инсонингиз ёши катта ва сизнинг чексиз ҳурматингизда бўлса бу айни танланиши керак бўлган ранг.

Олов ранг. Депрессиядан азият чекаётган ёки ҳаддан ташқари пессимизмга мойил бўлган одамга фойдали таъсир кўрсатади.

Бинафша ранг ҳар доим маънавий озуқа беради. У онг остига таъсир қилади ва одамга ўзини билишга ёрдам беради.

• 8-mart
• Аёллар