Apple Watch кўпинча одамларга юрак хасталикларини аниқлашда ёки ҳатто ўз ҳаётини сақлаб қолишда ёрдам беради. Бу сафар Apple Watch юрак уриши ҳақидаги билдиришномалар 12 ёшли қизга саратон касаллигини жуда кеч бўлмасдан топишга ва даволашга ёрдам берди.

Hour Detroit нашрига кўра, 12 ёшли Имани Майлс ва унинг онаси Жессика Китчен энди Apple соатларини шунчаки аксессуар сифатида кўришмайди. Китчен маълумотларига кўра, қизининг Apple Watch қурилмаси тўсатдан унинг юрак уриши ғайритабиий даражада юқорилиги ҳақида огоҳлантира бошлаган.

Бундай огоҳлантиришлар тез-тез учраб тургани сабабли, Китчен қизини касалхонага олиб боришга қарор қилди. У ерда Иманини аппендицитни даволаш учун операция қилишига тўғри келди, аммо воқеа шу билан тугамади. Шифокорлар аппендицда шиш пайдо бўлганини пайқашди.

Текширувдан сўнг саратон аллақачон қизалоқнинг танасининг бошқа қисмларига тарқалиб кетгани маълум бўлди. Шундан сўнг, Иманини яна операция қилишига тўғри келди. Якунда қизалоқ касалликдан бутунлай фориғ бўлди.

• Apple
• Smart Watch
• қизиқарли