Instagram ижтимоий тармоғи сўнгги йилларда машҳур санъаткорлар, спортчилар ва бошқа медиа вакилларининг асосий даромад манбайига айланиб бормоқда. Юлдузлар томонидан ушбу платформага жойлаштирилган сурат ва видеолар “фолловерлар”нинг муносабатига сабаб бўлади.

Ушбу мақола орқали Instagram’даги фото ва видео алмашиш бўйича энг кўп “лайк” тўплаган 20 та постни ўз ичига олади.

2023 йил январь ойидаги рейтингда мухлислар томонидан энг кўп ёқтириш тўпланган пост аргентиналик футболчи Лионель Месси ва жамоадошларининг 2022 йилги FIFA Жаҳон чемпионатидаги ғалабасини нишонлаётган карусели бўлиб, унга 74 миллиондан ортиқ турли аккаунтлар “лайк” босган. 2022 йил 18 декабрда юкланган постда Месси финалда Аргентина терма жамоасининг Франция устидан қозонилган ғалабадан кеинги ўзининг биринчи Жаҳон кубоги совринини қўлга киритгани кўрсатилган. Бу, шунингдек, барча ижтимоий медиа платформаларида ҳозирча энг кўп ёқтирилган постдир.

Жорий рекорд

Ушбу пост ижтимоий тармоққа юкланганининг дастлабки 39 дақиқасида 10 миллион “лайк” тўплади. Эртаси куни ушбу пост улашилганидан кейин биринчи 24 соат ичида 50 миллион лайк тўплаган Instagram пости бўлиб тарихга кирди. Шунингдек, у Криштиану Роналдунинг рекордини янгилаб, спортчилар учун энг кўп лайк тўпланган постга айланди.

2022 йил 19 ноябрда унинг ва Мессининг шахмат ўйнаётгани акс этган фото 42 миллион ёқтиришларга эга бўлди. 2022 йилнинг 20 декабрида постдаги “лайк”лар сони 56 миллиондан ортиб, “@world_record_egg” махсус аккаунти томонидан ўрнатилган рекордни ортда қолдирди. Бундан ташқари, энг кўп лайк тўпланган 20 та постдан еттитаси Мессига тегишли аккаунтдан юкланган постлар бўлиб, асосан 2022 йилги Жаҳон чемпионати вақтида чоп этилган. Шунингдек, Роналдуга тегишли 7 та пост ҳам Топ-20 рейтингдан ўрин олган.

Месси эълон қилганидан сўнг 48 соат ичида ушбу Instagram постидаги ёқтиришлар сони 64 миллиондан ошиб кетди ва шу тариқа у TikTok ва YouTube хостингида энг кўп “лайк” тўпланган мусиқий видеоларни ҳам ортда қолдириб, барча ижтимоий медиа платформаларида энг кўп ёқтирилган ижтимоий тармоқ постига айланди.

Бунга қадар “Despacito” қўшиғи 50,2 миллион, TikTok’да эса филиппинлик қўшиқчи Белла Порч томонидан юкланган ва “Sophie Aspin Send” қўшиғи билан синхрон қилинган видео 60,3 миллион “лайк” йиғишга муваффақ бўлган эди.

Бу, шунингдек, Instagram’да 60 ва 70 миллион ёқтиришларга эришган биринчи пост бўлди ва эълон қилинганидан сўнг атиги 3 кун ичида ушбу натижага эришгани ҳайратланарли.

Аввалги рекорд

2019 йилнинг 4 январь кунида “@world_record_egg” махсус аккаунтида тухум сурати жойлаштирилди, у ўша пайтда Instagram’даги энг кўп лайк тўпланган постни (18,6 миллион “лайк”га эга Кайли Женнернинг қизи сурати) ортда қолдирди. Тухум сурати дастлаб Сергей Платанов томонидан олинган бўлиб, у 2015 йил 23 июнь куни уни “Shutterstock” платформасига (фотография, видео, мусиқа ва таҳрирлаш воситаларини тақдим этувчи Америка компанияси) “оқ фонда ажратилган тухумлар” сарлавҳаси билан жойлаштирган. “@world_record_egg” аккаунтини яратувчиси Крис Годфри бўлиб, реклама ижодкори эса унинг дўстлари CЖ Бровн ва Алисса Хан ҳисобланади.

2019 йилнинг 14 январида тухум тасвири Instagram’да энг кўп “лайк” тўпланган постга айланди, тухум аккаунти эгаси унга “Бу ақлдан озиш. Тириклик учун қандай замон келди” изоҳи билан жойлаштирган. Платанов ўзининг фотосурати машҳурлигидан ҳайратда қолганини маълум қилди.

Топ-20 пост

Instagram’да энг кўп ёқтирилган 20 та пост рўйхатида энг кўпи Лионель Месси ва Криштиану Роналдуга тегишли аккаунтлардан юкланган (умумий 14 та) фотолар ҳисобланади. Шунингдек, еттита пост битта воқеа, яъни 2022 йилги футбол бўйича Жаҳон чемпионатига қаратилган.

Қайд этиш мумкин, Instagram Кевин Систрум ва Майк Кригер томонидан асос солинган Америка фото ва видео алмашиш ижтимоий тармоғидир. 2012 йил апрель ойида Марк Цукербергга тегишли Facebook (ҳозирги Мета) компанияси ушбу хизматни нақд пул ва акциялар кўринишида тахминан 1 миллиард АҚШ долларига сотиб олди. Илова фойдаланувчиларга фильтрлар билан таҳрирланиши ҳамда хештеглар ва “геотеггинг” ёрдамида тартибга солиниши мумкин бўлган медиа файлларни юклаш имконини беради.

Хабарларни ҳаммага очиқ ёки олдиндан тасдиқланган обуначилар билан баҳам кўриш мумкин. Фойдаланувчилар бошқаларнинг контентини теглар ва жойлашув бўйича кўриб чиқишлари ва тренд контентини кўришлари мумкин. Фойдаланувчиларга фотосуратларни ёқтириши ва бошқа фойдаланувчиларга ўз контентини шахсий тасмасига қўшиш учун кузатиш имконияти берилади.

Ҳисоб-китобларга кўра, интернетдан фойдаланиш имконига эга бўлган 1 миллиард нафардан ортиқ инсонлар Instagram’да рўйхатдан ўтган.

• Facebook
• Instagram
• YouTube