Бугун “Метрополитано”да “Атлетико” ва “Барса” ўйнайди.

Испания Кубоги ярим финал босқичида “Реал Мадрид” ва “Реал Соседад” ўртасидаги жавоб учрашуви Мадриднинг “Сантяго Бернабеу” стадионида бўлиб ўтди. Драматик тарзда кечган баҳсга Рюдигернинг 115-дақиқада боши билан урилган голи мантиқий якун ясади. Мадрид жамоаси умумий 5:4 ҳисобида ғалаба қозонди ва финалга йўл олди.

Бугун ярим финалнинг иккинчи жуфтлигида Мадриднинг бошқа бир жамоаси “Атлетико” ўз уйида “Барселона”ни қабул қилади. Жамоалар ўртасидаги дастлабки ўйин 25 февраль куни 4:4 ҳисобидаги дуранг билан якунланган эди. Жавоб ўйин “Метрополитано” стадионида бўлишини инобатга олсак, сафарда дурранг қайд этган мезбонлар учун яхши имконият бўлиши мумкин. Аммо, Каталония жамоаси ҳам ҳозирда барча мусобақаларда 20 ўйиндан иборат мағлубиятсиз серияга эга бўлиб, 2025 йилда Европанинг Топ-5 лигаларида ютқазмаган ягона жамоа бўлиб турибди.

Агар “Барселона” бугунги ўйинда ғалаба қозонса финалда уларни “қироллик жамоаси” кутиб турибди. Ва футбол мухлислари мавсумда яна бир “Эл Класико”нинг гувоҳига айланишади.

• Атлетико Мадрид
• Барселона
• Ispaniya
• Real