31°
Кечаси 18°
Испания Ла Лигасининг 17-тури доирасида “Реал Мадрид” ўз майдонида “Севиля”ни ишончли 2:0 ҳисобида мағлуб этди. Баҳс “Бернабеу” стадионида бўлиб ўтди.
Учрашувда ҳисоб 38-дақиқада жарима зарбасидан сўнг киритилди. Мезбонлар ҳужумчиси Родриго узатган тўпни ярим ҳимоячи Жуд Беллингем боши билан дарвозага жойлаб қўйди. 86-дақиқада Килиан Мбаппе пенальтини аниқ амалга ошириб, “қаймоқранглилар”нинг иккинчи голига муаллифлик қилди. Ушбу ҳисоб ўйин якунига қадар сақланиб қолди. Шу тариқа франциялик 27 ёшли футболчи 2025 йилда “Реал” сафида 59-голини урди ва Криштиану Роналдунинг 2013 йилда ўрнатган рекордини такрорлади.
Маълумот учун, Мбаппе 2024 йилда “Реал Мадрид”га кўчиб ўтганди. У жорий мавсум барча мусобақалар доирасида 27 ўйинда майдонга тушиб, 30 та гол ва 4 та голли узатмага муаллифлик қилди. Шунингдек, Ла Лига жорий мавсумида 18 гол билан мусобақа тўпурари бўлиб турибди.
Французнинг клуб билан амалдаги шартномаси 2029 йилга қадар мўлжалланган. Transfermarkt порталига кўра, Килианнинг янгиланган бозор қиймати 200 миллион еврони ташкил этмоқда.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
