2021 йилда Россияда хорижлик ҳайдовчилар томонидан содир этилган йўл-транспорт ҳодисаларининг асосий қисми Ўзбекистон, Қирғизистон ва Тожикистон фуқаролари айби билан содир бўлган. Бу ҳақда Россия ИИВ Йўл ҳаракати хавфсизлиги илмий марказининг ахборот таҳлилида маълум қилинган.

Қайд этилишича, Ўзбекистон фуқароларининг айби билан 1 290 та, Қирғизистон фуқароларининг айби билан 1 092 та ва тожикистонликлар айби билан 894 та йўл-транспорт ҳодисалари содир бўлган.

Шунингдек, арманистонликлар 417 та ЙТҲ ва озарбойжонлик ҳайдовчилар 346 та ЙТҲ содир этган.

Бундан ташқари, оғир асоратга олиб келувчи ЙТҲларни МДҲ давлатлари фуқаролари орасида кўпроқ қозоғистонлик ва Беларуслик ҳайдовчилар содир этганилиги келтирилган.

• Россия
• YTH
• ўзбек