Интелсат провайдери фойдаланиб келган Boeing компанияси томонидан ишлаб чиқарилган сунъий йўлдош кутилмаганда геостатсионар орбитада парчаланиб кетди.

Сунъий йўлдошнинг парчаланишига нима сабаб бўлгани ҳозирча аниқ эмас.

АҚШ Космик кучлари “аппаратнинг 20 га яқин қолдиқларини кузатмоқда” — улар бевосита ҳеч қандай таҳдид уйғотмаяпти. Шу билан бирга, космик маконни кузатиш билан шуғулланувчи ExoAnalytic Solutions компанияси сунъий йўлдошнинг 57 та бўлагини кузатаётганини маълум қилган.Мутахассислар мазкур ҳодиса сунъий йўлдошларнинг ишлаш муддати чекланганини, доимий равишда орбитадаги фойдали объектлар билан космик чиқиндилар тўқнашуви хавфи борлигини яна бир бор эслатиб қўйди.

Орбитал картография билан шуғулланувчи LeoLabs компанияси тадқиқотчилари октябрь бошида космик чиқиндилар билан тўқнашув муқаррарлигидан огоҳлантирган эди.Оғирлиги 6600 килограмм, ўлчами эса минивендек келадиган сунъий йўлдош Boeing Space Systems компанияси томонидан яратилган ва 2016 йилда учирилган эди.

У Европа, Африка ва Осиёнинг бир қисми учун кенг полосали алоқани, жумладан, интернет ҳамда телефон алоқасини таъминлаб келган.ИС-33е номли мазкур аппарат Boeing томонидан EpicNG платформаси доирасида учирилган иккинчи сунъий йўлдош эди.

Биринчиси — IS-29е бўлиб, ёнилғи сизиб чиқиши оқибатида ишдан чиққанди. Intelsat компанияси мазкур сунъий йўлдошдан буткул айрилганини 2019 йил апрелда эълон қилган, кейинроқ эса буни микрометеорит урилиши ёки қуёш фаоллиги билан изоҳлаган эди.Аммо ИС-33еънинг парчаланишига нима сабаб бўлгани номаълум. Intelsat вакилларининг таъкидлашича, сунъий йўлдош учирилганига саккиз йил тўлганидан кейин у кўпроқ ёнилғи сарфлашни бошлаган.

• Boeing
• Lifestyle
• Sun'iy yo'ldosh
• kosmos