Бугун Европа Чемпионлар Лигаси нимчорак финалига ўтиш баҳси жавоб учрашувида “Реал Мадрид” ўз уйида “Манчестер Сити”ни қабул қилади.

Манчестерда ўтган дастлабки ўйиндан фарқли ўлароқ бугун жамоалар таркибида бир қанча ўзгаришлар бўлиши кутилмоқда. Хусусан, биринчи баҳсда ҳимоячилар билан юзага келган жароҳатлар боис бир қанча муаммоларга дуч келган “Реал”нинг жароҳат олган иккала ҳимоячиси (Рюдигер ва Алаба) ҳам сафга қайтди. Бунинг акси ўлароқ “шаҳарликлар” жавоб ўйин олдидан жиддий йўқотишга учради. Жамоанинг ўнг қанот ҳимоячиси Аканжи жиддий жароҳат олиб Мадриддаги ўйинга боролмайдиган бўлди. Айни пайтда “Ман Сити” таркибида ажойиб ўйинлари билан яхши таассурот қолдираётган ўзбекистонлик ҳимоячи Абдуқодир Ҳусановда ўйинни асосий таркибда бошлаш имконияти пайдо бўлмоқда.

Бир қатор спорт нашрлари манчестерликларнинг бугунги баҳс учун тахминий таркибини эълон қилмоқда. Қуйида Ҳусановни асосийга “киритган” нашрларнинг тахминлари билан танишамиз:

– Спортингнеwс. Абдуқодир Ҳусанов асосий таркибда майдонга тушади.

“Манчестер Сити” таркиби (4-2-3-1, ўнгдан чапга): Эдерсон (дарвозабон) — Ҳусанов, Диас, Аке, Гвардиол — Стоунс, Нико — Савинё, Фоден, Мармуш — Ҳоланд.

– Фансидед. Ҳусанов бошланғич таркибда майдонга тушиши мумкин.

“Манчестер Сити”нинг таркиби: Эдерсон, Ҳусанов, Диас, Стоунс, Аке, Люис, Гвардиол, Савинё, Фоден, Ҳоланд, Мармуш.

Эслатиб ўтамиз, “Реал” ва “Ман Сити” ўртасидаги дастлабки учрашув Анчелотти шогирдларининг 2:3 ҳисобидаги ғалабаси билан якунланган эди. Жавоб баҳси 20 февралга ўтар кечаси Тошкент вақти билан соат 01:00 да старт олади.

• Abduqodir Husanov
• Чемпионлар Лигаси
• Футбол
• Madrid
• Manchester Siti
• Real