Kecha, 5-mart oqshomida Yevropaning bir nechta grand klublari milliy chempionatlar doirasida oʻz oʻyinlarini oʻtkazishdi.

Xusussan, Angliya Premyer Ligasining 26-turida “Liverpul” jamoasi “Manchester Yunayted”ni mehmon qildi. Turning markaziy bellashuvida kutilmagan natija qayd etildi. Mezbonlar “Manchester Yunayted” darvozasiga javobsiz 7 ta gol yoʻllab, yirik hisobda gʻalaba qozonishdi.

MYU 1931-yildan (“Vulverhempton” 0:7) soʻng ilk bor 7 ta toʻp oʻtkazib yubordi. Shuningdek, jamoaning 11 oʻyinlik magʻlubiyatsiz seriyasi barham topdi.

Muhammad Salah esa Faulerning rekordini yangilab, 129 ta gol bilan, “Liverpul” safida APLda eng koʻp gol urgan oʻyinchiga aylandi.

APL | 26-tur

“Liverpul” – “Manchester Yunayted” 7:0

Gollar: 1:0 – 43ʼ Gakpo, 2:0 – 47ʼ Nunyes, 3:0 – 50ʼ Gakpo, 4:0 – 66ʼ Saloh, 5:0 – 75ʼ Nunyes, 6:0 – 83ʼ Saloh, 7:0 – 88ʼ Firmino.

Shuningdek, kecha La Liga yetakchilari 24-tur uchrashuvlarini oʻtkazishdi. Dastlab, “Barselona” “Valensiya”ni qiyinchilik bilan 1:0 hisobida taslim etdi.

Oʻyindagi yagona gol Rafinya hisobiga yozildi. Ikkinchi boʻlimda esa mezbonlar himoyachisi Arauxo qoʻpollik uchun qizil kartochka olib maydondan chetlatildi.

Oʻz navbatida, “Real Madrid” “Betis” qarshi bahs olib borib, nursiz durang qayd etdi. Shu tariqa ketma-ket ikkinchi turda ochko yoʻqotgan “Qirollik klubi”ning peshqadam “Barselona” bilan ochkolardagi farqi 9 tani tashkil qildi.

La Liga | 24-tur bahslari

“Barselona” – “Valensiya” 1:0

Gol: 1:0 – 15ʼ Rafinya.

“Betis” – “Real Madrid” 0:0

Bundan tashqari Italiya chempionatining 25-turida “Roma” “Yuventus” bilan roʻbaroʻ kelib, kichik 1:0 hisobida zafar quchgan boʻlsa, “Inter” “Lechche”ni ishonchli, 2:0 hisobida yengdi.

A Seriya | 25-tur

“Roma” – “Yuventus” 1:0

Gol: 1:0 – 53ʼ Manchini.

“Inter” – “Lechche” 2:0

Gollar: 1:0 – 29ʼ Mxitaryan, 2:0 – 53ʼ Martines.

• Barselona
• Futbol
• Manchester Yunayted
• Real