O‘zbekiston milliy terma jamoasi himoyachisi Abduqodir Husanov “Sofascore” portali talqiniga ko‘ra Angliya Liga kubogi yarim final uchrashuvlarining ramziy jamoasidan joy oldi.

13-yanvar kuni bo‘lib o‘tgan yarim final bahsida “Manchester Siti” safarda “Nyukasl” ustidan 2:0 hisobida g‘alaba qozondi. Ushbu uchrashuvda Husanov ishonchli o‘yin namoyish etib, uchrashuvning eng yaxshi futbolchisi deb topildi.

14-yanvar kuni bo‘lib o‘tgan ikkinchi yarim finalda “Chelsi” “Arsenal” jamoasiga qarshi bahs olib bordi va unda “Arsenal” 3:2 hisobida g‘alaba qozondi.

 “Sofascore” tomonidan e’lon qilingan ramziy jamoada “Manchester Siti”dan 3 nafar futbolchi, jumladan Abduqodir Husanov ham o‘rin oldi. Shuningdek, ramziy tarkibdan “Arsenal”ning 4 nafar, “Chelsi”ning 3 nafar va “Nyukasl”ning 1 nafar futbolchisi joy oldi.

• Abduqodir Husanov
• Angliya
• Futbol
• Manchester Siti