Rossiya Federatsiyasi Tergov qo‘mitasi Belgoroddagi neft omboriga berilgan aviazarba yuzasidan ish ochdi.

“Belgoroddagi neft omboriga Ukraina Qurolli kuchlari tomonidan qilingan terroristik aktga nisbatan RF Jinoyat kodeksining 205-moddasi 2-qismi “v” punkti bilan jinoyat ishi qo‘zg‘atildi”, – deyiladi Tergov qo‘mitasi maʼlumotida.

Mazkur hujjatga ko‘ra, joriy yil 1-aprel kuni ukrainalik harbiylar Rossiya hududida terakt sodir etgan.  Ular maxsus qurollarni yuklab olgan 2 ta harbiy verolyotda mamlakat havo chegaralarini noqonuniy buzib o‘tishgan va neft omboriga kamida 4 marta havo zarbalarini bergan.

Tergov qo‘mitasi rahbari teraktga aloqador barcha shaxslarni tezda aniqlash bo‘yicha topshiriq berdi.

• Belgorod
• Rossiya
• neft