Centrum Air bort kuzatuvchisidan o‘zbek tilida gapirishni so‘ragani ortidan samolyotdan tushirib yuborilgan yo‘lovchi bilan bog‘liq mojaro hal etildi. Aviakompaniya dastlabki shoshilinch xulosa noto‘g‘ri bo‘lganini va mazkur holatda borta kuzatuvchisi nohaq bo‘lganini tan oldi.

Yo‘lovchining transfer bilan bog‘liq xarajatlari aviakompaniya tomonidan qoplab beriladigan bo‘ldi .

Shuningdek, hodisada ishtirok etgan xodima o‘z xatosini tushunganini bildirib, mijozlarga hurmat bilan munosabat da bo‘lishini o‘zbek tilida aytib, yo‘lovchidan uzr so‘ragan.

Shu tariqa, tomonlar o‘rtasidagi mojaro aviakompaniya tomonidan xodimning xatosi tan olinishi va yo‘lovchiga yetkazilgan xarajatlarni qoplash bo‘yicha kelishuv bilan yakunlandi.