Bugun, 10-yanvar kuni O‘zbekiston U-23 jamoasi Saudiya Arabistonida davom etayotgan Osiyo kubogining 2-tur doirasida maydonga chiqadi. Ravshan Haydarov boshchiligidagi jamoa Eron bilan o‘yinda ehtimoliy pley-off masalasini hal qiladi. Bahs “Prins Feysal bin Fahd” o‘yingohida Toshkent vaqti bilan soat 19:00 start oladi.

Ma’lumot uchun, O‘zbekiston U-23 terma jamoasi ushbu musobaqadagi ilk bahsda Livanga qarshi 3:2 hisobida g‘alaba qozongandi. Bugungi o‘yin oldidan jamoa “C” guruhida 3 ochko bilan birinchi o‘rinni egallab turibdi. Keyingi o‘rinlarda 1 ochkodan jamg‘argan holda Eron va Janubiy Koreya bormoqda. So‘nggi o‘rin esa 1-turda O‘zbekistondan mag‘lubiyatga uchragan Livanga tegishli.

• Eron
• Futbol
• Osiyo kubogi
• O‘zbekiston
• Saudiya Arabistoni