Qadimgi Siedra shahrida olib borilgan qazishmalar paytida arxeologlar Geraklning 12 jasorati tasvirlangan mozaikani topdilar. Maʼlumotlariga koʻra, uning maydoni taxminan 164 kvadrat metrni tashkil etadi.

Siedra shahri zamonaviy Turkiya hududida, Alaniyadan unchalik uzoq boʻlmagan yerda joylashgan. Bu Pamfiliya va Kilikiyaning ikki tarixiy mintaqasi chegarasida joylashgan port shahar hisoblanadi.

Mutaxassislar suratlarni 2019-yilda topishgan, ammo moʻrt qoplamaga zarar bermaslik uchun tekshirish asta-sekin davom ettirilgan.

Olimlar mozaikaning oʻziga xos ekanligini taʼkidladilar. Tasvirda odamlarning tanasi tabiiy oʻlchamda yaratilgan, rasmning uzunligi 21 metrdan oshadi, kengligi esa deyarli 8 metrga yetadi.

Mozaikadagi tasvirlar yaxshi saqlangan boʻlib, ularni tashqi muhitning salbiy taʼsiridan himoya qilish uchun tuproq bilan qoplab qoʻyishgan.

Maʼlumot uchun, Gerakl – yunon mifologiyasining eng mashhur qahramonlaridan biri. Uning jasoratlarini tavsiflash qadimgi madaniyatda juda muhim oʻrin tutgan.

• Surat
• Tarix
• qiziqarli