Qatar poytaxti Doha shahrida rapid va blits shaxmat bo‘yicha Jahon chempionati o‘z yakuniga yetdi.

Musobaqaning blits yo‘nalishida hamyurtimiz Nodirbek Abdusattorov finalga qadar yetib keldi. 

Chempionatda 19 ta tur yakuniga ko‘ra, eng kuchli shaxmatchilar hal qiluvchi bosqichga yetib kelishdi.

Yarim final formatidagi o‘yinda grossmeysterimiz Arjun Erigaisini 2,5 : 0,5 hisoblarida mag‘lubiyatga uchratib, finalga yo‘l oldi. 

Hal qiluvchi final bahsida esa Nodirbekka shaxmat yulduzi, dunyoning birinchi raqamli grossmeysteri Magnus Karlsenga qarshi dona surdi.

To‘rtta partiyadan iborat final bosqichida esa afsuski Nodirbek 1,5 : 2,5 hisobida imkoniyatni boy berib qo‘ydi.

Shu tariqa, Nodirbek Abdusattorov blits shaxmat bo‘yicha Jahon vitse-chempioniga aylandi.

Magnus Karlsen esa 2025-yilgi JChda rapid yo‘nalishida ham, blits yo‘nalishida ham oltin medalga ega chiqdi.

Ma’lumot uchun, Abdusattorov 2021-yili Varshavada o‘tkazilgan Jahon chempionatida rapid yo‘nalishida chempion bo‘lgandi. 

• Final
• Jahon chempionati
• Magnus Karlsen
• Nodirbek Abdusattorov
• Shaxmat