“Veolia Energy” kompaniyasi matbuot xizmatining ma’lum qilishicha, 2025-yil avgust oyi davomida Toshkent shahrining Shayxontohur tumanidagi bir qator mahalliy qozonxonalarda rejali profilaktika va ta’mirlash ishlari olib boriladi.

Rejaga muvofiq, mazkur ishlar doirasida qozonxona jihozlarini ta’mirlash va modernizatsiya qilish, eskirgan qismlarni almashtirish hamda nasoz uskunalarni sinovdan o‘tkazish rejalashtirilgan.

Shu munosabat bilan, profilaktika ishlari olib borilayotgan davrda issiq suv ta’minotida vaqtinchalik uzilishlar kuzatilishi mumkin.

Ta’mirlash ishlari munosabati bilan quyidagi manzillarda issiq suv ta’minoti vaqtincha to‘xtatiladi:

Navoiy 39-qozonxona (Olmazor mahallasi, Navoiy ko‘chasi, 39-uy) - 4–5 avgust;

Navoiy 37-qozonxona (Olmazor mahallasi, Navoiy ko‘chasi, 37-uy) - 6–7 avgust;

Navoiy 33-qozonxona (Ukchi mahallasi, Navoiy ko‘chasi, 33-son turar joy) - 11-12 avgust;

Navoiy 29-qozonxona (Ukchi mahallasi, Navoiy ko‘chasi, 29-sonli turar joy) - 13-14 avgust;

Navoiy 27-qozonxona (Ukchi mahallasi, Navoiy ko‘chasi, 27-sonli turar joy) - 18-19 avgust;

Ko‘kcha 1a qozonxonasi (Ko‘kcha mahallasi, Ziyo Said ko‘chasi, 60a, 1–12-uylar) — 20–21 avgust;

12-Zafarobod qozonxonasi (1a, 2a, 2, 8, 9, 10-uylar, Zafarobod mahallasi, MKAD ko‘chasi, 456-sonli bolalar bog‘chasi) — 25–26 avgust;

103-Ipakchi qozonxonasi (102, 103, 107–110, 114–116-uylar, Ipakchi mahallasi, Istirohat ko‘chasi, 105, 106-uy kottejlar) — 27–28 avgust.

Korxonada rejalashtirilgan texnik chora-tadbirlar isitish tizimining yozgi mavsumda ishonchli va uzluksiz ishlashini ta’minlashga qaratilganligini ta’kidlangan.

• Toshkent
• issiq suv