Xalqaro olimpiya qo‘mitasi (XOQ) rahbari Ukraina prezidenti Vladimir Zelenskiy bilan uchrashib, Rossiya va Belarusga qarshi sanksiyalar haqida gapirdi.

“Rossiya va Belarus sportchilariga ruxsat bermaslik pozitsiyasi o‘zgarishsiz qolmoqda. Bu taqiqlarni olib tashlash vaqti hali kelmagan”, – dedi Bax.

Zelenskiy, o‘z navbatida, ukrainalik sportchilarni qo‘llab-quvvatlash jamg‘armasini 2,5 million dollardan 7,5 million dollarga oshirishga qaror qilgan XOQga minnatdorchilik bildirdi.

“Biz ukrainalik olimpiyachilarni shunday qo‘llab-quvvatlaymizki, biz 2024-yilda Parijda bo‘lib o‘tadigan Olimpiya o‘yinlarida va 2026-yilda Milanda bo‘lib o‘tadigan qishki Olimpiada o‘yinlarida kuchli, muvaffaqiyatli va g‘ururli milliy terma jamoani ko‘rishimiz mumkin”, — deya qo‘shimcha qildi XOQ rahbari.

• Rossiya
• Sanksiya
• Tomas Bax
• Ukraina
• XOQ
• Zelenskiy