Tramp ma’muriyati 2026-yil 1-yanvardan AQShga kirish uchun biznes yoki sayyohlik (B1/B2) vizasini olishda pasport egalari 15 ming dollargacha garov puli qo‘yishi shart bo‘lgan mamlakatlar qatoriga yana yetti davlatni qo‘shdi, deya xabar bermoqda Associated Press nashri.

AQSh Davlat departamenti o‘tgan hafta Butan, Botsvana, Markaziy Afrika Respublikasi, Gvineya, Gvineya-Bisau, Namibiya va Turkmanistonni ushbu ro‘yxatga yashirin tarzda qo‘shgan. Davlat departamentining rasmiy saytida e’lon qilingan bildirishnomaga ko‘ra, bu o‘zgarishlar 1-yanvardan kuchga kirgan. 5, 10 yoki 15 ming dollarlik to‘lov miqdori har bir ariza beruvchi bilan suhbatda individual belgilanadi.

“Hozirda AQShga kirish uchun biznes yoki sayyohlik (B1/B2) vizasini olishda pasport egalari 15 ming dollargacha garov puli qo‘yishi shart bo‘lgan mamlakatlar ro‘yxatiga jami 13 davlat kiritilgan. 2025-yil avgust va oktyabr oylarida Mavritaniya, San-Tome va Prinsipi, Tanzaniya, Gambiya, Malavi va Zambiya kabi davlatlar ro‘yxatga kiritilgandi. Ularning ikkitasi: Turkmaniston va Butan Osiyodan, qolganlari Afrika davlatlari. Bu ko‘plab odamlar uchun AQSh vizasini olish jarayonini moliyaviy jihatdan imkonsiz qiladi”, – deyiladi Associated Press xabarida.

AQSh rasmiylari 5 mingdan 15 ming dollargacha bo‘lgan garov puli nishonga olingan mamlakatlar fuqarolari vizani suiiste’mol qilib qolib ketmasligini ta’minlashda samarali ekanini aytib, bu chorani himoya qilmoqda. Shuningdek, AQSh konsullik xodimi ko‘rsatmasisiz to‘lov qilgan arizachilar ham to‘langan pulni qaytarib ololmaydi.

Garov puli to‘lash vizaning berilishiga kafolat bermaydi, biroq agar viza rad etilsa yoki viza egasi uning shartlariga amal qilganini isbotlasa, mablag‘ qaytariladi. Shuningdek, AQSh konsullik xodimi ko‘rsatmasisiz to‘lov qilgan arizachilar ham to‘langan pulni qaytarib ololmaydi.

• AQSh
• Turkmaniston
• Viza