2022 йил 5 август куни “Amazon” компанияси қарзларини ҳисобга олган ҳолда робот чангютгичлар ишлаб чиқарувчи “iRobot” компаниясидан 1,7 миллиард долларга сотиб олиш бўйича шартнома тузилганини эълон қилди.

“Amazon” “Roomba” бренди остида ақлли чангютгичлар ишлаб чиқарувчи “iRobot” улуши учун 61 доллар тўлайди. Бу компания акцияларининг 4 августдаги савдолар якунланганидан кейинги қийматидан 22 фоизга кўпроқ, деганидир. “iRobot” йилнинг иккинчи чорагида 255,4 миллион доллар даромад олган бўлса-да, соф зарар 43,4 миллион долларни ташкил этди.

Шартнома ёпилганидан кейин “iRobot” асосчиси ва бош директори Колин Энгл бош директор сифатида қолади. Компания 1990 йилдан бери мавжуд. Шунингдек, “iRobot” портфелига “Braava” робот чангютгичлари ва тез тозалаш учун турли электрон қурилмалар киради.

Соҳа мутахассисларининг фикрича, “Amazon” “iRobot”ни сотиб олгач, ўзининг “Астро” уй роботидан ташқари, истеъмолчи робототехникаси соҳасида ҳам янги ечимларни таклиф қила бошлайди.

Қайд этиш мумкин, “Amazon.com” бу электрон тижорат, булутли ҳисоблаш, рақамли оқим ва сунъий интеллектга эътибор қаратадиган Америка кўп миллатли технология компанияси ҳисобланади. У “дунёдаги энг нуфузли иқтисодий ва маданий кучлардан бири” деб тан олинган ва дунёдаги энг қиммат брендлардан бири ҳисобланади. Бу “Alphabet”, “Apple”, “Meta” ва “Microsoft” билан бир қаторда Американинг Катта бешлик ахборот технологиялари компанияларидан биридир.

“Amazon”га Жефф Безос томонидан 1994 йил 5 июлда Вашингтон штатининг Беллевю шаҳридаги гаражда асос солинган. Дастлаб китоблар онлайн-бозори бўлиб, у кўплаб маҳсулот тоифаларига айланган ва “The Everything Store” номини олди. Компания асосчиси Жефф Безос дунёнинг энг бой инсонларидан бири бўлиб, 159 миллион доллар бойлиги билан Илон Маскдан сўнг 2-ўринни эгаллаб турибди.

• Amazon
• Changyutgich
• робот
• технология