Бугун, 25 март куни, Ўзбекистон миллий терма жамоаси Эрон миллий терма жамоасига қарши 2026-йилги Жаҳон чемпионати саралашининг учинчи босқичи доирасида сафарда ўйин ўтказади.
Саралашнинг Осиё минтақасида ҳар бир гуруҳ (3 та гуруҳ)дан биринчи ва иккинчи ўринни эгаллаган жамоалар (жами 6 та жамоа) тўғридан-тўғри 2026-йилги Жаҳон чемпионатига йўлланма олади. Шу боис, бугунги ўйин Ўзбекистон терма жамоаси учун муҳим аҳамиятга эга.
Бугунги баҳсгача Ўзбекистон МТЖ 16 очко жамғарган ҳолда Эрон (19 очко) термасидан кейин иккинчи ўринда бормоқда яқин таъқибчилар БАА ва Қатар бир хил 10 очко тўплаган.
Теҳрондаги баҳс “Озодий” стадионида Тошкент вақти билан соат 21:00 да старт олади.
Шунингдек, бугун Жаҳон чемпионати Осиё саралаш минтақасининг учинчи босқичи доирасида “А” гуруҳида қуйидаги учрашувлар бўлиб ўтади:
Қатар — Бирлашган Араб Амирликлари (БАА): Доҳа шаҳрида, Тошкент вақти билан соат 20:30 да бошланади.
Қирғизистон — Корея Халқ Демократик Республикаси (КХДР): Бишкек шаҳрида, Тошкент вақти билан соат 19:00 да бошланади.
Ушбу учрашувлар “А” гуруҳи жамоалари учун муҳим аҳамиятга эга бўлиб, ҳар бир жамоа Жаҳон чемпионати “чипта”си йўлида муҳим ва ҳал қилувчи очколарни қўлга киритиши мумкин.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!