Мадриднинг “Реал” клуби бош мураббийи Карло Анчелотти қайта бошланаётган Ла Лигадан аввал матбуот анжуманида қатнашди. Мутахассис жамоа ҳолати ҳамда баъзи футболчилар ҳақида гапирди.

“Жамоа ўзини яхши ҳис қилмоқда. Бензема тузалган ва ўзини мукаммал ҳис қилмоқда. Жаҳон чемпионатида ўйнаган бошқа барча футболчилар яхши ва ўйнашга тайёр.

Модрич, Чуамени ва Камавинга бугун яхши машғулот ўтказишди, улар ҳам ўйнашга тайёр. Финалдан кейин, уларга дам беришга қарор қилдик. Лекин, дам унча кўп бўлмади. Улар эртага ўйнаши мумкин. Албатта, мен улардан кўпроқ машғулот ўтказган футболчиларга имкон бераман.

Бизнинг тавим қийин. Мартгача кўп ўйинлар ўтказамиз” деди мутахассис.

Анчелотти шунингдек, Бразилия терма жамоаси мураббийлиги ҳақида гапирди.

“Билмайман, мен “Реал”да қолмоқчиман. Мен ҳеч қачон клубдан мени қўйиб юборишларини сўрамайман. Клубдагилар ва мен хотиржаммиз. Биз барча эътибор ўйинларга қаратилган”

Италиялик мутахассис бир нечта саволларга ҳам жавоб бериб ўтди.

“Эндрик?Мен билан ўтган йили танишдим, бироз суҳбатлашдик. У билан шартнома имзолаганимиздан хурсандмиз. У ажойиб истеъдод эгаси.

Куртуа? Агар кўп гол ўтказиб юборган бўлсак, бу унинг айби эмас. Биз яхши ҳимояланмадик. Яхшиланишимиз керак.

Франция терма жамоаси ҳақида бирор нима дея олмайман. Бенземани ҳолатини улар текширишди ва бўлди. Ишончим комилки, Бензема бу мавсумда бизга кўп ёрдам беради.

Ўтган йилнинг декабрь ойига қараганда яхшироқ формадамиз. Умид қиламанки, ўтган мавсумдаги содир бўлган воқеаларни такрорлай оламиз.

Тики-така услуби ўлдими? Тўпга эга бўлиш билан бирга қарши ҳужум ҳам муҳим. Баъзида ғалаба қозониш учун айнан шу керак.

Азар яхши ҳолатда, у яхши машғулот ўтказди. Мен уни жаҳон чемпионати аввалидагидан яхшироқ деб ўйлайман. У яхши ишлади ва мавсумнинг бу қисмида ундан кўпроқ фойдаланаман” – деди Карло Анчелотти.

• Анчелотти
• Ispaniya
• Ла Лига
• Real