УEФА Суперкубоги баҳсида Европа Чемпионлар Лигаси ғолиби ҳисобланган ПСЖ ҳамда Европа Лигаси чемпиони “Тоттенҳем” жамоалари ўзаро куч синашди. Италиядаги “Blueenergy” стадионида ўтган учрашувнинг асосий вақти 2:2 ҳисобидаги дуранг билан якунланди. Пенальтилар сериясида эса француз клуби 4:3 ҳисобида ғалаба қозониб, бош совринга эга чиқди.

Голларга лондонликлар сафида 39 ва 48-дақиқаларда Микки ван де Вен ва Кристиан Ромеро муаллифлик қилди. Иккинчи тайм якунида “ўзига келган” ПСЖ 85 ва 90+4-дақиқаларда Ли Канг Ин ва Гонсалу Рамушнинг голлари билан жавоб қайтарди.

Ўйин ғолиби футбол “лотарея”сида аниқланди. Унда ПСЖга омад кулиб боқди ва жамоа УEФА Суперкубогини Парижга олиб кетадиган бўлди.

• PSJ
• Тоттенхем
• УЕФА