Одам савдоси айби билан Интерпол томонидан халқаро қидирувда бўлган Ўзбекистон фуқароси Нилуфар Мирхонова Чаноққалъанинг Айважик туманида полиция гуруҳлари томонидан қўлга олинган. Бу ҳақда Туркиянинг Ihla ахборот агентлиги хабар берди.

Интерпол Чаноққалъа вилоят полиция ва разведка бошқармаси гуруҳлари томонидан олиб борилган ишлар натижасида Нилуфар Мирхоновага жинсий мақсадларда одам савдоси билан шуғулланиш айбловини қўймоқда. Уни дунёнинг кўплаб мамлакатларидаги фоҳишахоналарга хорижлик аёлларни етказиб бергани иддао қилинган.

Халқаро миқёсда қидирувда бўлган “Мадам Клод” лақабли Ўзбекистон фуқароси Нилуфар Мирхонова Россия, Беларус, Қирғизистон, Туркманистон ва Ўзбекистондан кўплаб аёлларни ноқонуний йўллар билан Туркияга олиб ўтиб, воситачилар орқали фоҳишахоналарга сотганлиги аниқланган.

Маълум қилинишича, яқин кунларда Мирхонова депортация қилиш учун Айважик Репатриация марказига етказилади.

• Фоҳишабозлик
• Туркия