“O‘tgan haftaning o‘zida maymunchechak (mpox) virusi infeksiyasi bilan kasallangan 1200 ta holat qayd etilgan”, – deya xabar bermoqda Afrika Ittifoqi tibbiyot agentligi.

Gap virusning uch xil kichik turi, jumladan xavfli Clade 1b varianti haqida bormoqda.

Yil boshidan beri Afrika Ittifoqiga a’zo bo‘lgan 12 davlatda jami 18 737 kishi maymunchechak bilan kasallangan va 541 bemor vafot etgan. Virus tarqalishda davom etmoqda, Yevropa Ittifoqi esa tahdid darajasini pastdan o‘rtacha darajaga ko‘targan.

“Yevropa va Afrika o‘rtasidagi yaqin aloqalar sababli biz Clade 1b virusi kichik turini yuqtirishning yangi holatlariga tayyor bo‘lishimiz kerak”, – dedi Yevropa Kasalliklarning oldini olish va nazorat qilish markazi rahbari Pamela Rendi Vagner.

• Maymunchechak