Braziliyalik aralash uslubdagi jangchi Charlz Oliveyra UFC 280 turnirining asosiy jangida Islom Maxachevga qarshi chempionlik jangidagi magʻlubiyatga izoh berdi.

“Ha, aytadigan hech narsa yoʻq. U shunchaki men qilmagan ishlarni qildi. U jangni boshqardi, natijada u meni yiqitdi va hammasini oxirigacha olib keldi. Qoʻshimcha qiladigan hech narsa yoʻq.

Bugun, ertaga, men har doim jang qilishga tayyorman, bu muhim emas. Men imkon qadar tezroq jang qilishni xohlayman.

Hech kim menga hayotdek qattiq zarba berolmaydi. Men yiqildim. Lekin men oʻrnimdan turib oʻsha kamarni qaytarib olaman”, – dedi Oliveyra jangdan keyingi matbuot anjumanida.

Qayd etish mumkin, bu Oliveyra uchun UFCdagi toʻqqizinchi magʻlubiyat sifatida qayd etildi.

Eslatib oʻtamiz, Maxachev ikkinchi raundda Oliveyrani boʻgʻish uslubi orqali muddatidan avval gʻalaba qozondi.

Oliveyra uchun bu magʻlubiyat aralash yakkakurashlar boʻyicha toʻqqizinchi magʻlubiyat boʻldi. Braziliyalik oʻzining 11 janglik gʻalabali seriyasiga chek qoʻydi.

Maxachev esa oʻz navbatida UFCdagi qatorasiga 11-gʻalabasini qoʻlga kiritdi. Unda hammasi boʻlib MMAda 23 ta gʻalaba va bitta magʻlubiyat bor.

• Fikr
• Oliveyra
• UFC