Braziliya terma jamoasi hujumchisi Vinisius bo‘lajak raqiblari – “Real” dagi sherigi Luka Modrich va Xorvatiya terma jamoasi haqida fikr bildirdi.

“Modrich har doim menga nimadir o‘rgatadi – nafaqat maydonda, balki mashg‘ulotlarda ham. Shuningdek, ba’zan u menga driblinglarni ham o‘rgatadi. Maydonda ko‘proq imkoniyatlarga ega bo‘lish uchun har kuni yaxshiroq mashq qilaman.

Umuman olganda, Xorvatiyada o‘tgan jahon chempionatida finalga chiqqan baza bor, shuning uchun biz nafaqat Modrichga, balki butun jamoaga tayyor bo‘lishimiz kerak. Ular katta klublarda o‘ynaydi va bizni mag‘lub etish uchun qo‘llaridan kelganini qiladi”,– deydi Vini.

Braziliya hamda Xorvatiya o‘yini 9-dekabr kuni bo‘lib o‘tadi.  

• Braziliya
• Jahon chempionati
• Luka Modrich
• Vinisius
• Xorvatiya