Navoiy viloyatida 47 nafar yo‘lovchi bo‘lgan avtobus ishtirokida sodir bo‘lgan yirik yo‘l-transport hodisasi yuzasidan sud hukmi e’lon qilindi. Fojia oqibatida uch nafar inson, jumladan bir nafar voyaga yetmagan bola halok bo‘lgan edi.Sud qaroriga ko‘ra, avtobus haydovchisi aybdor deb topilib, unga 10-yil muddatga ozodlikdan mahrum qilish jazosi tayinlandi.

 Sud majlisida haydovchi hodisa vaqtida suv idishining qopqog‘ini izlash bilan chalg‘ib qolgani va shu sababli transport vositasi ustidan nazoratni yo‘qotganini ma’lum qildi. Oqibatda avtobus yo‘ldan chiqib ketib, ag‘darilgan va og‘ir yo‘l-transport hodisasi sodir bo‘lgan.Mazkur voqea transport boshqaruvida hatto bir lahzalik e’tiborsizlik ham qaytarib bo‘lmas oqibatlarga olib kelishi mumkinligini yana bir bor ko‘rsatdi. 

Sud hukmi bilan haydovchiga nisbatan qonunchilikda nazarda tutilgan jazo chorasi qo‘llanildi.