Chiqindilarni qayta ishlash va ekologik texnologiyalarni joriy etish maqsadida O‘zbekistonda “Eko-asfalt” loyihasi amalga oshirilmoqda. Bu loyiha orqali polietilen va boshqa plastik chiqindilar qayta ishlanib, asfalt tarkibiga qo‘shiladi.

Bu usul bitum sarfini kamaytiradi, yo‘l qurilishi xarajatlarini 30% gacha tejaydi hamda ekologik zararni kamaytiradi. Plastik qo‘shilgan asfalt issiqlik va sovuqqa chidamli, yoriqlarga bardoshli va uzoq muddatli bo‘ladi.

Bunday yechimlar Niderlandiya, Hindiston va boshqa davlatlarda o‘z samarasini bergan. O‘zbekistonda keng joriy etilishi ekologik barqarorlik va infratuzilma sifatini oshirishga xizmat qiladi.

• Hindiston
• Niderlandiya
• Xitoy