Америкалик аёл эски-туски буюмлар бозоридан $34,99 эвазига харид қилган бюст бундан 2000 йил аввал қадимги Римда ясалган ноёб ҳайкал бўлиб чиқди. Бу аёлнинг ўзи учун ҳам кутилмаган янгилик бўлган.

Лаура Янг бюстни 2018-йилда сотиб олган ва орадан кўп вақт ўтмай унинг оддий ҳайкал эмаслигини тушуниб етган. Экспертлар Лауранинг тахминларини тасдиқлашди. Маълум бўлишича, аёл сотиб олган бюст бундан 2000 йил аввал қадимги Римда ясалган ва бир вақтлар Германиянинг Ашаффенбург шаҳридаги музейда, Помпейдаги уй модели ичида сақланган. Уй модели "Помпеянум" деб аталган ва 1840-йилда Бавария қироли Людвиг I томонидан барпо этилган. Сан-Антонио музейи экспертлари ҳайкални Германиядан Техасга Иккинчи жаҳон урушида иштирок этган аскарлар олиб келган бўлиши мумкинлигини тахмин қилишган.

Экспонатнинг ҳақиқий эканлигини тасдиқлангач, Лаура Янг Германия ҳукуматини бўлган ишлардан огоҳ этиб, ҳайкални Бавариядаги саройга қайтарган. Ундан аввал эса бюстни бир муддат ўзи туғилиб-ўсган Сан-Антонио Санъат музейида ҳам намойиш этишларини сўраган.

• Тарих
• артефакт
• қизиқарли