28 сентябрь куни “Коняспор” ўз майдонида “Башакшеҳир”ни қабул қилиб, муҳим ғалабага эришди. Учрашув Конядаги “Катта Шаҳар” стадионида бўлиб ўтди.

Ўйин 16-дақиқада Алассане Ндао томонидан урилган гол билан бошланди — 1:0. Бўлим якунида “Башакшеҳир” футболчиси Жером Опоку автогол муаллифи бўлиб, мезбонлар ҳисобни 2:0 кўринишига келтирди.

Иккинчи бўлимда эса “Башакшеҳир” ҳисобни қисқартиришга муваффақ бўлди. 57-дақиқада Ўзбекистон терма жамоаси ҳужумчиси Элдор Шомуродов рақиб дарвозасини ишғол қилиб, ҳисобни 2:1 га етказди. У тўлиқ 90 дақиқа ҳаракат қилди ва ўйинда энг фаол футболчилардан бири бўлди.

Шундан сўнг ҳар икки жамоа бир қанча ҳужумлар уюштирди, аммо ҳисоб ўзгармади. “Коняспор” 3 очкони қўлга киритиб, умумий очколарини 10 тага етказди ва турнир жадвалида 7-поғонага кўтарилди. “Башакшеҳир” эса 6 очко билан 12-ўринда бормоқда.

Шунингдек, яна бир ўзбекистонлик футболчи Аббосбек Файзуллаев 64-дақиқада Юсуф Сари ўрнига захирадан ўйинга қўшилди.

• Аббосбек Файзуллаев
• Елдор Шомуродов
• Футбол