Madridning “Real” klubi bosh murabbiyi Karlo Anchelotti qayta boshlanayotgan La Ligadan avval matbuot anjumanida qatnashdi. Mutaxassis jamoa holati hamda ba’zi futbolchilar haqida gapirdi.

“Jamoa o‘zini yaxshi his qilmoqda. Benzema tuzalgan va o‘zini mukammal his qilmoqda. Jahon chempionatida o‘ynagan boshqa barcha futbolchilar yaxshi va o‘ynashga tayyor.

Modrich, Chuameni va Kamavinga bugun yaxshi mashg‘ulot o‘tkazishdi, ular ham o‘ynashga tayyor. Finaldan keyin, ularga dam berishga qaror qildik. Lekin, dam uncha ko‘p bo‘lmadi. Ular ertaga o‘ynashi mumkin. Albatta, men ulardan ko‘proq mashg‘ulot o‘tkazgan futbolchilarga imkon beraman.

Bizning tavim qiyin. Martgacha ko‘p o‘yinlar o‘tkazamiz” dedi mutaxassis.

Anchelotti shuningdek, Braziliya terma jamoasi murabbiyligi haqida gapirdi.

“Bilmayman, men “Real”da qolmoqchiman. Men hech qachon klubdan meni qo‘yib yuborishlarini so‘ramayman. Klubdagilar va men xotirjammiz. Biz barcha e’tibor o‘yinlarga qaratilgan”

Italiyalik mutaxassis bir nechta savollarga ham javob berib o‘tdi.

“Endrik?Men bilan o‘tgan yili tanishdim, biroz suhbatlashdik. U bilan shartnoma imzolaganimizdan xursandmiz. U ajoyib iste’dod egasi.

Kurtua? Agar ko‘p gol o‘tkazib yuborgan bo‘lsak, bu uning aybi emas. Biz yaxshi himoyalanmadik. Yaxshilanishimiz kerak.

Fransiya terma jamoasi haqida biror nima deya olmayman.  Benzemani holatini ular tekshirishdi va bo‘ldi. Ishonchim komilki, Benzema bu mavsumda bizga ko‘p yordam beradi.

O‘tgan yilning dekabr oyiga qaraganda  yaxshiroq formadamiz. Umid qilamanki, o‘tgan mavsumdagi sodir bo‘lgan voqealarni takrorlay olamiz.

Tiki-taka uslubi o‘ldimi? To‘pga ega bo‘lish bilan birga qarshi hujum ham muhim. Ba’zida g‘alaba qozonish uchun aynan shu kerak.

Azar yaxshi holatda, u yaxshi mashg‘ulot o‘tkazdi. Men uni jahon chempionati avvalidagidan yaxshiroq deb o‘ylayman. U yaxshi ishladi va mavsumning bu qismida undan ko‘proq foydalanaman” – dedi Karlo Anchelotti.

• Anchelotti
• Ispaniya
• La Liga
• Real