Saudiya Arabistoni rasmiylari qiymati 1 trillion dollarlik osmonoʻpar bino qurishga qaror qildilar. Uning uzunligi 75 milyagacha choʻziladi va binoga “Mirror Line” deb nom beriladi.

Ushbu binoda besh milliongacha odam yashashi rejalashtirilgan, Loyihada temiryoʻl va stadion qurish ham nazarda tutilgan.

Saudiya Arabistoni valiahd shahzodasi Muhammad bin Salmon “Mirror Line” loyihasini taniqli arxitektorlarga topshirgan. Unga koʻra, shahzoda Misr piramidalari miqyosidagi bino qurmoqchi. “Mirror Line” loyihasi Neom nomli choʻlning bir qismiga aylanadi.

Taxminlarga koʻra, loyihada yoʻllar va mashinalar boʻlmaydi, faqatgina piyodalar yoʻlagi barpo etiladi. Shaharning tagiga esa xizmat koʻrsatish infratuzilmasi va transportlar joylashtiriladi. Yangi shaharda qayta tiklanadigan energiyadan foydalanish rejalashtirilgan.

• Misr
• Piramida
• Saudiya Arabistoni
• qiziqarli