“Qirollik klubi” hujumchisi Vinisius Junior jamoa bilan shartnomasini 2030-yilga qadar uzaytirdi. Bu haqda Sport.es xabar bermoqda.

Manbaga ko‘ra, braziliyalik 24 yoshli futbolchi bilan mehnat shartnomasini uzaytirish orqali “Real Madrid” 15 mln yevrolik qat’iy maosh chegarasidan oshib ketishgan. Vinisius yiliga 20 mln yevrodan ko‘proq maosh olishi kutilmoqda.

Ma’lum qilinishicha, maosh chegarasining buzilishi Madrid klubini o‘z siyosatini qayta ko‘rib chiqishga majbur qilishi mumkin. Chunki klubning qolgan yulduzlari ham maoshni oshirishni so‘rashi xavfi bor.

Ma’lumot uchun, Vinisiusning avvalgi shartnomasi 2027-yilning yoziga qadar tuzilgan edi.

• Real
• Vinisius
• shartnoma