Xotirani yaxshilash va kuchaytirish uchun ish joyida ham bajarsa boʻladigan, har qanday yoshdagi insonlar uchun toʻgʻri keladigan mashqlar mavjud.

Xotira uchun samarali mashqlardan biri rasmlarni eslab qolish hisoblanadi. Bunday mashqni oʻtkazish uchun 10-15 tacha jism tasvirlangan rasmlar kerak boʻladi. Rasmga 60 soniya davomida diqqat bilan qarang va u yerdagi narsalarni eslab qolishga harakat qiling. 60 soniya oʻtgandan keyin rasmni berkitib, eslab qolgan narsalaringizni ayting yoki yozing.

Sanash – xotirani kuchaytirish uchun juda yaxshi mashq. Bu samarali usul boʻlib, 1 dan 20 gacha yoki 20 dan 1 gacha boʻlgan sonlarni parallel ravishda sanash kerak. Masalan: 1, 20, 2, 19, 3, 18 va hokazo. Har kuni ushbu mashqni takrorlab sonlarni 10 tadan oshirib boring va 100 gacha davom eting. Mashqni uxlashdan oldin bajarsangiz samarasi katta boʻladi.

Xotirani yaxshilash uchun foydali usullardan yana biri “chapaqay” qoʻl mashqini bajarishdir. Chapaqay insonlar uchun oʻng qoʻlni, oʻnaqaylar uchun esa chap qoʻlni koʻproq ishlatish talab etiladi. Bunday mashq bilan miyaning faolligi kuchayadi va xotira yaxshilanadi.

• Foydali
• Miya faoliyati
• Xotira
• qiziqarli
• salomatlik