Таниқли таҳлилчи Минг-Чи Куонинг сўзларига кўра, Apple ҳозирги “Apple TV” моделларига нисбатан анча ихчам ва бюджетга мос келадиган янги телевизор қутисини чиқаришни режалаштирмоқда.

Нархлари ва ўлчамлари бўйича у “Google Chromecast”, “Amazon Fire TV” ва “Roku” приставкалари билан рақобатлашади. Apple’нинг телевизор ишлаб чиқариши ҳақида биринчи марта 2018 йилда хабар берилган эди.

У фойдаланувчиларга жозибадор нархда “Apple ТV+”дан фойдаланиш имкониятини тақдим этиши керак эди, аммо 2021 йилда арзон ва эҳтимол пастроқ сифатли қурилма чиқарилиши билан компания обрўсига путур етказмаслик учун ундан воз кечилгани маълум бўлди.

Энди бу ғоя яна ишга тушди – ва Куонинг сўзларига кўра, “Apple ТV”нинг янги версияси 2022 йилнинг иккинчи ярмида чиқиши кутилмоқда. Унинг нархи аниқланмаган, бироқ у 149 доллар нархда сотувда қолаётган Apple ТV HD’дан паст бўлиши аниқ.

Агар компания мавжуд номлаш тамойилларига амал қилса, қурилма Apple ТV мини ёки Apple ТV SE сифатида сотувга чиқиши мумкин.
 

• Apple
• Televizor