37°
Кечаси 24°
Футбол афсонаси – Пеле 82 ёшида вафот этди. Энг буюк футболчилардан бирининг ўлимидан сўнг дунё футболи ларзага келди ва барча таниқли шахслар бразилиялик футболчи билан хайрлашди. Бир нечта футболчилар, сиёсатчи ва президентларнинг “Футбол қироли” ўлимига муносабатини тақдим этамиз.
“Сантос” – Пеленинг карерасидаги асосий клуб. У 1957/74-йиллар оралиғида шу жамоада тўп тепган. Клуб унинг вафотидан сўнг instagram саҳифасида “Абадий” деб ёзди.
Килиан Мбаппе – “Футбол қироли вазоф этди, аммо унинг мероси ҳеч қачон унутилмайди”
Криштиану Роналду – “мен бутун Бразилияга ва хусусан, жаноб Эдсон Арантис до Насименто оиласига чуқур ҳамдардлик билдираман. Абадий қирол билан шунчаки “хайрлашиш” ўша пайтда бутун футбол оммасини қамраб олган оғриқни ифодалаш учун етаели бўлмайди.”
Лео Месси – ҳолатга қисқа хабар билан муносабат билдирди: “Абадий ором ол, Пеле.”
Эрлинг Ҳоланд– “замонавий футболда кўрган барча нарсангиз Пеледан олинган”
Гарет Бейл – “Кўпчиликнинг футболга меҳр қўйишининг сабабчиси”
Гари Линекер – “Пеле вафот этди. Футболчиларнинг энг доҳийси ва одамларнинг энг қувноғИ. У шундай футбол ўйнардики, фақатгина бир нечта футболчи унга яқинлаша олган”
Диде Дешам – “Пеленинг ўлими билан футбол ўзининг энг гўза афсоналаридан бирини унутди. У одамларга орзу қилишга мажбур қилди ва спорт мухлисларининг бутун авлодини илҳомлантирди. Ким болалигида Пеле каби бўлишни орзу қилмаган?
Пеленинг ўйини самарадорлик ва гўзаллик тимсоли эди.”
Каземиро – “Абадий ором олинг, қирол Пеле. Бразилия ва футболга берган буюклигингиз учун ташаккур. Сизнинг мерос абадийдир”
Роберта Меццола – “Пеле энг буюкларидан бири эди. У миллиардлаб одамларни хушнуд этди, авлодларни футбол қувончлари билан таништирди ва дунёга жуда катта орзулар йўқлигини кўрсатди.
Европа Бразилия ва бутун дунё билан биргаликда ажойиб ўйин гиганти учун ҳамдард. Абадий ором ол”
Неймар – Пеледан олдин 10 шунчаки рақам эди. Бир нечта марта шу каби сўзларни ўқидим. Аммо, унча тўғри таъриф эмас. Пеледан аввал футбол шунчаки спорт эди. Пеле ҳаммасини ўзгартирди.
У футболни санъат ва завқланишга ўзгартирди. У камбағаллар ва қора танлиларнинг овози эди. Энг муҳими, у бразилияни ҳаммага кўрсатди. Футбол ва Бразилиянинг мақоми Қирол туфайли ўсди.
У кетди. Лекин унинг сеҳри абадий қолади.
“Реал Мадрид”– Биз Пеленинг оиласига, унинг яқинларга, клубларига ва Бразилия конфедерацияси ҳамда Бразилиядаги ва бутун дунёдаги барча футбол мухлисларига ҳамдардлик билдирамиз.
Пеле спортни яхши кўрувҳилар ёдида абадий қолади ва унинг мероси уни жаҳондаги энг буюк футбол афсоналаридан бирига айлантирди”
ПСЖ – “Футболнинг абадий қироли. Ушбу қайғули пайтда дўстларимиз, оилалар ва бутун Бразилия халқига ҳамдардлик билдирамиз. Ҳаммаси учун раҳмат”.
“Арсенал”: “Пеле вафоти ҳақидаги хабар бизни чин дилдан хафа қилди. Клуб сифатида биз Пелени 1981-йилда Хайберида қабул қилиш шарафига муяссар бўлдик. Биз доимо сақлайдиган хотира. Биз, бутун футбол ҳамжамияти бугун Пеле яқинлари билан елкадошмиз”
Луис Ҳемилтон: “Бугун биз афсонани йўқотдик. Ўз истеъдодингиз ҳамда даҳолигингиз ва меҳр-муҳаббатингизни биз билан баҳам кўрганингиз учун раҳмат.
Пеле бизни доимо илҳомлантиради”.
Эммануел Макрон – “Ўйин. Қирол. Абадий”
Барак Обама – “Пеле тарихдаги энг буюк футболчилардан бири. Унда спортининг одамлар билан бирлаштириш қобилияти бор эди”.
Шу каби янаюзлаб спорт, сиёсат ва бошқа соҳанинг таниқли вакиллари ҳам Пеленинг ўлимига реакция билдирган.
Эдсон Арантис до Насиментонинг дафн маросими 2-январ куни, Сан-Паулунинг Сантос шаҳридаги “Вила-Белмиро” стадионида бўлиб ўтиши режалаштирилган. Бу ҳудуд “Сантос”нинг тарихий маскани ҳисобланади ва Пеле асосий фаолиятини шу ерда олиб борган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
