Ispaniya Kubogi 1/8 finali doirasidagi “Albasete” — “Real Madrid” uchrashuvi bo‘lib o‘tdi. “Karlos Belmonte” stadionida start olgan bahsda “qirollik klubi” mag‘lubiyatga uchrab, musobaqani tark etdi.

Uchrashuvda hisob 42-daqiqada “Albasete” futbolchisi Xavi Vilyar tomonidan ochildi. 45+3-daqiqada Franko Mastantuono muvozanatni tikladi. 82-daqiqada Hefte Betankor mezbonlarni yana hisobda oldinga olib chiqdi. 90+1-daqiqada Gonsalo Garsiya hisobni tenglashtirdi — 2:2. Orada 3 daqiqada o’tib, hakam tomonidan qo’shib berilgan daqiqalarning so‘nggisida Betankor dubl qayd etdi. Yakuniy hisob 3:2.

Bu Alvaro Arbeloa qo‘l ostidagi “Real Madrid” uchun dastlabki uchrashuv va ilk mag‘lubiyat edi. Jamoa Ispaniya Kubogini shu tariqa tark etdi.

Ma’lumot uchun, “Albasete” Ispaniyaning ikkinchi divizioni — Segunda vakili hisoblanadi.

• Ispaniya
• Real